ولسمشر غني وايي چې د کار له پیله یې - له ۲۰۱۵ زکاله - تراوسه څه باندې ۴۰ زره پوځیان او ولسي وګړي په هېواد کې وژل شوي دي.

ښاغلي غني له سي ان ان سره په یوې مرکه کې همدارنګه ویلي دي چې په دغې موده کې ۹۸ تنه امریکايي ځواکونه هم په افغانستان کې وژل شوي دي.

هغه زیاته کړه:«له هغه وخت راهیسې چې زه ولسمشر پاتې شوی یم، له دوه زرو پنځلسم کال راهیسې د وژل شويو امریکايي سرتېرو شمېر ۹۸ تنو ته رسېږي، په داسې حال کې چې موږ د افغانستان خلکو څه باندې ۴۰ زره ملکیان او پوځیان له لاسه ورکړي دي.»