د افغانستان د بیارغونې لپاره د امریکا ځانګړي څارونکي (سیګر) د افغانستان په تړاو په خپل درې میاشتني راپور کې د حکومتولۍ، د امر بالمعروف او نهې عن المنکر وزارت د قانون، نړۍوالو تعاملاتو، زده‌کړو او امنیت ته کتنه کړې ده.

سیګر په دې راپور کې د نژدې ختیځ لپاره د واشنګټن د پالیسۍ د انسټېټیوټ په حواله لیکلي دي چې، سرپرست حکومت په تېرو درې کلونو کې، د ۸۰ هېوادونو له چارواکو سره نږدې ۱۴۰۰علني ډیپلوماتیکې کتنې لرلې دي چې، ډېری یې له سیمه‌ییزو سیالانو سره وې.