د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه، ۱۳۹۸ د زمري ۱۱مه نېټه
کابل ښار کې یوه کورنۍ وايي چې د زوی له مړینې یې دوه میاشتې وروسته خبره شوې چې ملي دفاع وزارت هغوی ته بل مړی سپارلی.
دا مورڅه باندې نهه میاشتې له خپل زوی نه بې خبره وه او نه پوهېده چې هغه له ټپي کېدو وروسته د طالبانو له لوري یرغمل نیول شوی دی.
دا کورنۍ وايي چې زوی یې اصحالبالدین نومېده او له نهو میاشتو بند وروسته یې زوی د طالبانو له لوري خوشي شو او دفاعي ځواکونو هغه د درملنې لپاره د کابل روغتونونو ته ولېږداوه؛ خو د سختو ټپونو له امله یې د محمد داوودخان په روغتون کې ساه ورکړه، خو ملي دفاع وزارت د یوه بل سرتېري مړی هغوی ته وسپاره او د اصحابالدین مړی یې نورستان ته یوې بلې کورنۍ ته ولېږدوه.