د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه، ۱۳۹۸ د لیندۍ ۱۵مه نېټه
ولسمشرۍ ټاکنو ته نوماند د ګلبدین حکمتیار ټاکنیزې ډلې او د دغې ډلې ځينو پلویانو، نن (جمعه د لیندۍ په ۱۵مه) د هغه څه په وړاندې چې په ولسمشرۍ ټاکنو کې درغلي ګڼي کابل کې په لاریون لاس پورې کړ.
ښاغلي حکمتیار هم په ننني لاریون کې حضور درلود، او وې ویل چې ولسمشرۍ ټاکنې په لومړي پړاو کې ګټوونکی نه لري او د دغو ټاکنو د دویم پړاو ترسراوي لپاره، باید لنډمهاله حکومت رامنځته شي.
حکمتیار دویم معترض نوماند دی چې خپل پلویان یې واټونو ته راکاږلي دي. د ولسمشرۍ ټاکنو د بل نوماند عبدالله عبدلله د پلویانو لاریونونه له کابو دوه اوونیو راهیسې په څو ولایتونو کې دوام لري.