د ولسمشر ویاند صدیق صدیقي وايي که چېرې طالبان د اوربند په اړه د امریکا وړاندیز ومني، د حکومت او طالبانو ترمنځ به مستقیمې او مخامخ خبرې پیل شي.

صدیقي زیاتوي چې ولسمشر ډونلډ ټرمپ د پنجشنبې په ماښام د بګرام په پوځي اډې کې د ولسمشر ټرمپ او ولسمشر غني تر کتنې وروسته، د سولې بهیر کې د افغان حکومت پر ونډې او مالکیت ټینګار کړی دی.

د ولسمشر ویاند صدیق صدیقي څرګنده کړه:«زموږ هیله دا ده چې طالبان هم د اوربند ملنو په برخه کې کار وکړي. که چېرې واقعاً ژمنه لري چې له جګړې لاس واخلي - زموږ په باور - ښه موکه ده چې دوی دغه موکه له ومني.»

که څه هم ولسمشر ټرمپ اوربند ته د طالبانو له لېوالتیا خبر ورکړی؛ خو په کابل کې د طالبانو یو شمېر مخکیني غړي وايي تر هغې چې، د امریکا او طالبانو تر منځ د سولې هوکړه ونه شي او د افغانانو تر منځ خبرې پیل نه شي، دغه ډله به اوربند ته غاړه کې نه ږدي.