طالبانو ته نېږدې سرچینې مني چې د امریکا متحده ایالاتو او طالبانو ترمنځ به د سولې هوکړې له لاسلیک سره لنډمهاله اوربند هم عملي شي.

ویل کېږي چې د هوکړې له مخې به ښارونو کې ځانمرګي بریدونه نه ترسره کیږي، پر لویو ښارونو به برید نه کیږي او همداراز د هېواد لویې لارې به هم نه تړل کېږي.

همداراز ویل شوي دي چې په پاکستان کې د طالبانو ډلې مشرتابه د قطر دفتر له یوه پلاوي سره له سلامشورو وروسته له امریکا سره د سولې د موافقې له لاسلیک سره په یو وخت په افغانستان کې د لنډې مودې لپاره د تاوتریخوالي د کمولو په اړه هوکړې ته رسیدلي دي.