د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه، ۱۳۹۹ د غبرګولي ۱۶مه نېټه
هغه وېډیوګانې چې په خواله رسنیو کې لاس په لاس کېږي، ښيي چې د یزد ولایت په کمربندي واټ کې یوه موټر اور اخیستی دی.
د افغانستان د بهرنیو چارو وزارت وايي چې د دغې پېښې پر مهال دیارلس افغان کډوال په دغه موټر کې وو چې د هغوی درې تنه وژل شوي او څلور تنه نور یې ټپيان شوي دي.
د ایران پولیس وايي چې هغوی د «انسان او نشه يي توکو قاچاق کوونکي» تعقیبول او دوه موټرو د هغوی د درېدو ګواښ ته پام ونه کړ او وتښتېدل.