د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه ۱۳۹۸ د وري ۱۵ مه نېټه
د ناټو عمومي منشي، ینس سټولټنبرګ د امریکا متحده ایالاتو په کانګرس کې د خپلې وینا پرمهال وايي افغانستان کې د تېرو ۱۷ کلونو د لاسته راوړنو د ساتنې پرته به په دې هېواد کې سوله تلپاتې او دوامداره نه وي.
دی زیاتوي د ناټو تړون له افغاني مصالحې ملاتړ کوي، خو افغانستان د طالبانو له نسکورېدو وروسته د ښځو د حقونو د تامین په برخه کې اوږده لاره کچ کړې او له طالبانو سره په خبرو کې باید دې لاسته راوړنو ته درناوی وشي.