امریکا متحده ایالتونه په افغانستان کې له شل کلن پوځي حضور وروسته د شنبې په ورځ (د مې په لومړۍ نېټه) له افغانستانه د خپلو ځواکونو وېستل په رسمي توګه پېل کړل.

د ملي دفاع وزارت سرپرست وايي؛ بهرني ځواکونه له بېلابېلو ولایتونو څخه لومړی د بګرام مرکزي اډې ته راځي او بیا له دې ځایه خپلو هېوادونو ته ستنېږي.

په همدې حال کې سرچينې وايي، د دوحې له هوکړې وروسته امریکايي سرتېري له اوو اډو څخه د وتلو بهیر پیل کړی او اوس یوازې په شینډنډ، هلمند، کابل او بګرام کې دي.

په دغې خپرونه کې کوربه الیاس منصور په دې هکله له خپلو مېلمنو سره بحث او خبرې اترې کړې دي.

مېلمانه:

د پوځي چارو شنوونکی، وهاب وردګ

د غزني د ولایتي شورا غړی، نصیر احمد فقیري