د امریکا ولسمشر وايي، افغانستان به بیاځلي هېڅکله هم پر امریکا او د ناټو پر غړو هېوادونو د بریدګرو لپاره پر امن پټن ځای بدل نه شي.

جوبایډن په بروکسل کې د ناټو د سرمشریزې غونډې په پای کې وویل، دوی توافق کړی، چې د افغانستان له خلکو سره ډيپلوماټيک، اقتصادي او بشري مرستې به جاري ساتي او همداراز به د ناټو غړي هېوادونه له افغان ځواکونو خپل ملاتړ ته دوام ورکړي.

په افغانستان کې د ناټو د نظامي ماموریت له پایته رسېدو وروسته، د حامد کرزي له نړۍوال هوايي ډګره د ناټو د ملاتړ دوام د دغې غونډې له نورو توافقاتو دي.

په دغې خپرونه کې کوربه الیاس منصور په دې هکله له خپل مېلمه د پوځي چارو له شنوونکي احمد خان اندړ سره بحث او خبرې اترې کړې دي.