په غزني کې ناامني او د مالي امکاناتو نشتوالی، د خصوصي رسنیو په وړاندې سترې ننګونې دي.

لکه څرنګه چې په دغه ولایت کې، رسنۍ نه‎شي کولای د لګښت نشتوالي له امله، خپلې ډېری پروګرامونه عملي کړي او همدارنګه خبریالان هم اړ دي چې د کمې تنخواه په بدل کې کار وکړي.

په دې لړ کې، په غزني کې امنیتي ستونزو، ځينې ښځيه خبریالانې دې ته اړ کړې دي چې خپل پېژاند له ډېریو پټ وساتي.

په دغې خپرونه کې کوربه مسعود ملک په دې اړه په افغانستان کې د ښځینه خبریالانو د ملاتړ ټولنې مسوولې، فریدې نېکزاد سره بحث او خبرې اترې کړې دي.