د هېواد د هوا پېژندنې ادارې مسوولان وايي، د هوا د وړاندوینې مرکز پرانستو سره به وروسته له دې د هواحالاتو، سیلاونو، توپانونو او وچکالۍ څخه کره وړاندوینه کولی شي.
دا اداره همداراز په ولایتونو کې هم د هوا پیژندې دستګاوو له جوړیدو خبر ورکوي.
د طبیعي پيښو د خبرداري سیستم د هوا پيژندنې په اداره کې د یو شمېر دولتي چارواکو لخوا پرانیستل کیږي.
د هواپيژندنې ادارې رییس، محمود شاه حبیبي د دغه مرکز پرانیستل د طبیعي پيښو د زیانونو د مخنیوي لپاره اغیزمن کار بولي.
د چاپيریال ساتنې د ملي ادارې رییس، محمود شاه حبیبی وايي په دغه سیستم سره به د طبیعي پيښو وخت او ځاي په دقیقه توګه روښانه کیږي.
له بلې خوا د هواپيژندنې اداره د نوموړې ادارې او رسنیو ترمنځ ددغه راز تفاهم لیک د لاسلیکولو خبره کوي ترڅو رسنۍ وکولاي شي د اب وهوا په اړه مالومات په دقیقه توګه خلکو ته ورسوي.