بامیان ولایت کې د «سولې او ملګرتیا او امن بامیان زموږ هیله ده» تر نامه لاندې د سکي سیالۍ پيل شوې.
په دغو سیالیو کې د سکي څه باندې ۶۰ ښځينه او نرینه لوبغاړو ګډون کړی وو او د بابا غره په لمنو کې یې سره سیالي وکړه.
دغه سیالۍ د عقاب لوبغالي او د بامیان د سپورټي امریت له خوا جوړې شوې وې.
د ښځو په منځ کې زهرا نوري لومړی مقام خپل کړ، سحر او سومن په ترتیب سره دویې او درېیمې شوې.
د سکي ملي فډراسیون وايي چې ټاکل شوې د سکي تر ټولو سترې ملي لوبې د روان زیږدیز کال په فبرورۍ میاشت کې بامیانو کې جوړې شي.