وروستي خبرونه
Thumbnail

کرېکټ کې اسټرالیا پاکستان ته ماتې ورکړه او پای لوبې ته ووتله

بېګاه (پنج‌شنبه د لړم په ۲۰ مه نېټه) د متحده عربي اماراتو په دوبۍ کې، د کرېکټ روان ۲۰ اووریز نړۍوال جام کې، د اسټرالیا او پاکستان کرېکټ لوبډلو ترمنځ نیمه‌پای لوبه وشوه.

دا سیالي چې د دواړو لوبډلو پلویانو ته تر بلې هر لوبې خورا زړه راښکوونکې وه، په‌کې د اسټرالیا کرېکټ لوبډلې د پاکستان کرېکټ لوبډلې ته په پینځو ویکټو ماتې ورکړه.

د لوبې پچه د اسټرالیا کرېکټ لوبډلې وګټله او د پاکستان کرېکټ لوبډلې ته یې د توپ‌وهنې بلنه ورکړه.

پاکستاني توپ‌وهونکو خورا تېزه لوبه وکړه او په ټولو ۲۰ اوورونو کې یې د څلورو لوبغاړو په سوځېدو سره د اسټرالیا لوبډلې ته د ۱۷۷ منډو هدف وټاکه.

که څه هم د اسټرالیا لوبډله، په توپ‌وهنه کې د لوبې تر پینځلسم اوور ښه نه وه روانه، خو په وروستیو اوورونو کې د لوبې بڼه بېخي بدله شوه.

په پایله کې، د لوبې په نولسم اوور کې د اسټرالیا لوبډلې ټاکل شوی هدف پوره کړ او له پاکستان نه یې په پینځو ویکټو لوبه وګټله.

د اسټرالیا وېکټ ساتونکی ماټېو وېډ د لوبې غوره لوبغاړی شو، چې د لوبې په حساسو شېبو کې یې ۴۱ منډې وکړې او تر پایه و نه سوځېد.

بله نیمه پای لوبه وړمه ورځ د نیوزېلنډ او انګلینډ لوبډلو ترمنځ وه، چې نیوزېلنډ د انګلینډ لوبډلې ته ماتې ورکړه او پای لوبې ته ووت.

په دې شان پایلې سره، د ۲۰۲۱ کال د کرېکټ ۲۰ اووریز نړۍوال جام پای لوبه به بل سبا (یکشنبه د لړم په ۲۳ مه) د اسټرالیا او نیوزېلنډ لوبډلو ترمنځ وي.

د افغانستان د کرېکټ ملي لوبډله هم د کرېکټ په روان ۲۰ اوریز جام کې ولوبېدله – چې له ټولو پینځو لوبو یې دوه وګټلې او درې یې وبایللې چې په دې جام کې له وړاندې تګ بې برخې شوه.

کرېکټ کې اسټرالیا پاکستان ته ماتې ورکړه او پای لوبې ته ووتله

د کرېکټ روان نړۍوال ۲۰ اووریز جام نیمه پای لوبه کې د اسټرالیا کرېکټ لوبډلې د پاکستان کرېکټ لوبډلې ته ماتې ورکړه.

Thumbnail

بېګاه (پنج‌شنبه د لړم په ۲۰ مه نېټه) د متحده عربي اماراتو په دوبۍ کې، د کرېکټ روان ۲۰ اووریز نړۍوال جام کې، د اسټرالیا او پاکستان کرېکټ لوبډلو ترمنځ نیمه‌پای لوبه وشوه.

دا سیالي چې د دواړو لوبډلو پلویانو ته تر بلې هر لوبې خورا زړه راښکوونکې وه، په‌کې د اسټرالیا کرېکټ لوبډلې د پاکستان کرېکټ لوبډلې ته په پینځو ویکټو ماتې ورکړه.

د لوبې پچه د اسټرالیا کرېکټ لوبډلې وګټله او د پاکستان کرېکټ لوبډلې ته یې د توپ‌وهنې بلنه ورکړه.

پاکستاني توپ‌وهونکو خورا تېزه لوبه وکړه او په ټولو ۲۰ اوورونو کې یې د څلورو لوبغاړو په سوځېدو سره د اسټرالیا لوبډلې ته د ۱۷۷ منډو هدف وټاکه.

که څه هم د اسټرالیا لوبډله، په توپ‌وهنه کې د لوبې تر پینځلسم اوور ښه نه وه روانه، خو په وروستیو اوورونو کې د لوبې بڼه بېخي بدله شوه.

په پایله کې، د لوبې په نولسم اوور کې د اسټرالیا لوبډلې ټاکل شوی هدف پوره کړ او له پاکستان نه یې په پینځو ویکټو لوبه وګټله.

د اسټرالیا وېکټ ساتونکی ماټېو وېډ د لوبې غوره لوبغاړی شو، چې د لوبې په حساسو شېبو کې یې ۴۱ منډې وکړې او تر پایه و نه سوځېد.

بله نیمه پای لوبه وړمه ورځ د نیوزېلنډ او انګلینډ لوبډلو ترمنځ وه، چې نیوزېلنډ د انګلینډ لوبډلې ته ماتې ورکړه او پای لوبې ته ووت.

په دې شان پایلې سره، د ۲۰۲۱ کال د کرېکټ ۲۰ اووریز نړۍوال جام پای لوبه به بل سبا (یکشنبه د لړم په ۲۳ مه) د اسټرالیا او نیوزېلنډ لوبډلو ترمنځ وي.

د افغانستان د کرېکټ ملي لوبډله هم د کرېکټ په روان ۲۰ اوریز جام کې ولوبېدله – چې له ټولو پینځو لوبو یې دوه وګټلې او درې یې وبایللې چې په دې جام کې له وړاندې تګ بې برخې شوه.

شریک یي کړئ