د بغلان د وزلوبې لوبډلې د سې شنبې په ورځ د سرپل لوبډلې ته له ماتې ورکولو وروسته د بلخ ولایت د وزلوبې د ټورنمنټ اتلولي خپله کړه.
د بغلان لوبغاړو خپله سیاله لوبډله د ۱-۰ پایلې سره ماته کړه او د دغو سیالیو اتله لوبډله شوه.
دغه ټورنمنټ د څه باندې یوې اوونۍ لپاره د یولسو ولایتونو د لوبغاړو ترمنځ، ملي لوبډلې ته د غوره لوبغاړي د پېژندلو په منظور په بلخ ولایت کې جوړ شوی و.
د سرپل او بلخ د وزلوبو لوبډلې په ترتیب سره دویم او درېیم مقام خپل کړ.
د هېود د وزلوبې د فډراسیون چارواکو ویلي چې دغه سیالۍ ملي لوبډلې ته د وزلوبې د غوره لوبغاړي د پېژندلو په موخه په لاره اچول شوې دي.
چارواکي زیاتوي چې غوره لوبغاړي به په روان زیږدیز کال کې د ازبیکستان په اسیايي سیالیو کې ګډون وکړي.
په دې اړه مو اندونه