د هېواد د فوټبال فدراسیون په خپله فیسبوک پاڼه لیکلي، د افغانستان ۱۷ کلونو کم عمره فوټبال ملي لوبډله به د ماکاو پر وړاندې لوبغاړي ته ښکته شي.

دا لوبه به د اسیا جام د مقدماتي سیالیو په دوام کې د افغانستان او ماکاو ترمنځ د کمبودیا په کوربتوب د چهارشنبې په ورځ و شي.

د ۱۷ کلونو کم عمره فوټبال لوبغاړي به د چهارشنبې له غرمې وروسته د ماکاو پر وړاندې سیالي وکړي، دا په داسې حال کې ده چې دوی په خپله لومړۍ لوبه کې د فیلیپین ملي لوبډلې ته ۸-۰ ماتې ورکړې وه.

د افغانستان ملي فوټبال لوبډله په دې سیالیو کې له کمبودیا، ماکاو، بنګله‌دېش او فلیپین سره په یوه ډله کې دي.