د ویسټ انډير کریکټ لوبډله شنبې(د لړم په ۱۱مه نېټه) د افغانستان کریکټ لوبډلې سره د لوبې په موخه هند ته ورسېده.
ټاکل شوې دواړه لوبډلې درې ۲۰ اوریزې، درې یوې ورځنۍ او یوه هم ټسټ لوبه وکړي.
د ویسټ انډیز لوبډلې وروستۍ ډله تېره ورځ د افغانستان پروړاندې د لوبې چمتووالي په موخه د خپلې لوبډلې سره یوځای شوه.
ټاکل شوې ده دا لوبې چهارشنبې(د لړم په ۱۵مه نېټه) پیل شي.
مخکې له دې افغان کریکټ لوبډلې له ویسټ انډيز سره د سیالۍ په موخه تمرین کړی وو.
دوه کاله مخکې هم دواړو لوبډلو سره لوبې درلودې چې پایله یې مساوي وه، خو افغانستان د ۲۰۱۸ کال نړیوالو مقدماتو لوبو کې چې زمبابوې کې ترسره شوې، افغانستان ویسټ انډیز ته ماته ورکړې وه.
اوس مهال هند کې ترسره کېدونکې لوبو لړۍ کې دا لومړۍ ټسټ لوبه ده چې افغان لوبډله یې له ویسټ انډیز سره کوي.