د هېواد د جودو ملي لوبډلې په اذربایجان کې د اسلامي هېوادونو د ۲۰۱۷ زیږدیز کال سیالیو کې د ګډون په موخه چمتوالی نیسي.
د هېواد ملي لوبغاړي له یوې اوونۍ راهیسې د هېواد د جودو فدراسیون په لوبغالي کې تمریني لوبې کوي.
ویل کېږي چې په دې لوبو کې له چاڼيزو سیالیو وروسته اوه نارینه او یوه ښځينه جودو کاره د آذربایجان په کوربهتوب سیالیو کې د ګډون په موخه ټاکل شوي دي.
دا لوبې به تر دوو میاشتو پورې په لاره واچول شي.
د جودو فدراسیون مشر، ذبیحالله نظري وايي:«موږ هڅه کړې چې له ټول هېواد څخه غوره څېړرې په ملي لوبډلې کې بهر ته د لوبو لپاره ولېږو چې دا ځل مو لوبډه ځواکمنه ده او هیله ده چې ښه لاسته راوړنه ولرو.»
د جودو د ملي لوبډلې غړی، وحیدالله یوسفزی څرګندوي:«زه د افغانستان د جودو کارانو له غورو څېرو غوره شوی یم او یوه اوونۍ کېږي چې تمرینونه مو پيل کړي دي او هیله ده چې له افغانستان څخه ښه استازیتوب وکړو.»
د اسلامي هېوادونو په لوبو کې له افغانستان څخه ۱۸۰ تنه لوبغاړي په ۱۶ برخو کې ګډون وکړي.