'تودې خبرې:'واشنګټن د افغانستان کړکېچ لپاره سیاسي حل لاره لټوي
د افغانستان د سولې لپاره د امریکا ځانګړی استازی وايي، واشنګټن د افغانستان کړکېچ د پایته رسېدو لپاره د یوې سیاسي حل لارې په لټه کې دی، خو له دې سره نوموړي په دوحه کې د افغانانو تر منځ د سولې خبرو د درېدو خبرداری هم ور کړی دی.
زلمي خلیلزاد د امریکا د سولې انسټیټوټ په یوې انلاین غونډه کې ټینګار کړی، چې افغان مشرانو ته نه ښايي چې له افغانستانه د پخواني شوروي پر مهال تېروتنه چې د جګړو د دوام لامل شو، تکرار کړي.
خو ولسمشرۍ ماڼۍ وايي، افغان حکومت سولې ته د رسېدو لپاره سنجول شوي او اساسي ګامونه اخلي.
په دوحه کې د افغانانو تر منځ د سولې خبرو د وروستیو ناستو له بې پایلو پاتې کېدو سره پر یو وخت په هېواد کې جګړو هم زور اخیستی دی.
طالبانو او حکومت دواړو لورو د هېواد په ګڼ شمېر برخو کې خپل بریدونه ډېر کړي دي، چې د سولې پروسې روان بهیر په اړه يې د ولسي وګړو اندېښنې زیاتي کړې دي.
کوربه نعمت روان په دې اړه له خپلو مېلمنو سره بحث او خبرې کړې دي.
مېلمانه:
د سولې وزارت سلاکار، عزیزالله فضلي
پاکستان کې خبریال، طاهر خان
د ولسي جرګې غړی، عبدالروف شپون