تودې خبرې: دوحې ته د سولې خبرو دوهم پړاو پیل
د افغانستان د اسلامي جمهوریت مرکچي پلاوی د دوشنبې د سولې مذاکراتو د دویم پړاو د پیلولو لپاره دوحې ته تللی.
د افغانستان د اسلامي جمهوریت د مرکچي پلاوي مشر وايي، له درېیو اونیو بحثونو وروسته ورته روښانه شوه چې، د سولې په دې پړاو خبرو کې د دغه پلاوي تر ټولو مهمه موخه په هېواد کې د جګړې پایته رسول دي.
له بل لوري د سولې په چارو کې د دولت وزیر وايي، د افغانستان د اسلامي جمهوریت مرکچي پلاوي د سولې خبرو د دویم پړاو لپاره په ۸۶ غونډو کې ګډون کړی دی.
په همدې حال کې افغان سولې لپاره د امريکا ځانگړي استازي زلمي خليلزاد په کابل کې افغان جگپوړو چارواکو او سياسي مشرانو سره ليدلي.
په دې خپرونه کې کوربه، فواد اکبرزي پر همدې موضوع له مېلمنو سره خبرې کړې دي.
د خپرونې مېلمانه:
د ولسمشر سلاکار، صاحب نظر سنګين
د سوله ييز بدلون بنسټ د دارالاشاء مشر، سردارمحمد همدرد
سیاسي فعال، سيد علي رضا محمودي