د هسپانیا روغتیايي مسوولینو اعلان کړی چې دغه هېواد کې کې د کرونا ویروس د مثبتو پېښو شمېر له یو میلیونو اوښتی دی.
هسپانیا لویديځې اروپا کې لومړی هېواد دی چې د کرونا ویروس د مثبتو پېښو شمېر به کې له یو میلیونو اوړي.
یاد هېواد کې یوازې تېره شپه ورځ کې د کرونا ویروس ۱۶ زره او ۹۷۳ مثبتې پېښې ثبت شوې دي. همداراز یوه شپه ورځ کې ۱۵۶ تنه د کوویډ۱۹ ناروغان مړه شوي دي.
هسپانیا نړۍ کې د کرونا ویروس د لوړ شمېر له مخې شپږم هېواد دی.
اوس مهال د کوویډ۱۹ ناروغۍ شمېر له مخې امریکا متحده ایالات نړۍ کې لومړی، هند دوهم، برازیل درېیم، روسیه او ارجنتاین هم څلورم او پنځم ځایونه لري.
دا په داسې حال کې ده چې نړۍ کې هم د کرونا ویروس د مثبتو پېښو شمېر له ۴۱ میلیونو اوښتی دی.