د ایران ولسمشر ابراهیم رییسي پرون (چهارشنبه د زمري په ۲۰ مه) د لوېدیځ مخالفی ډېپلوماټ امیر عبداللهیان د بهرنیو چارو وزیر په توګه غوره کړی او په داسې حال کې چې د نړۍ شپږو ځواکمنو هېوادونو سره د ۲۰۱۵ کال د اټومي تړون پر سره د ایران خبرې اوس لپاره ولاړې دي.
د روانې اګېسټ میاشتې په ۵ مه، ابراهیم رییسي د ایران د نوي ولسمشر په توګه لوړه وکړه او دا ټیک په داسې مهال کې، چې پر ایران د لوېديځ بندیزونه دي او دا هېواد بشري حقونو د نقض ادعاوو سره هم مخامخ دی.
د ایران ولسمشر د ایران پارلمان ته وړاندیز کړې کابینه کې، حسین امیر عبداللهیان د بهرنیو چارو وزیر، سرتیپ احمد وحیدي د کورنیو چارو وزیر او جواد اوجي د تېلو وزیر په توګه غوره کړي.
تر کومه چې د بهرنیو چارو د وړاندیز شوي وزیر خبره ده، په هکله یې د اټومي تړون لپاره یوه ایراني مرکچي، چې غوښتل یې نوم یې یاد نه شي، ویلي دي:"امیر عبداللهیان یو سختدريځه ډېپلوماټ دی. که د بهرنیو چارو وزارت د ایران د اټومي پروګرام د قضیې مسوولیت ولري، خامخا به تهران له لوېدیځ سره مذاکراتو کې سختې کرښې وکاږي."
امیر عبداللهیان له ۲۰۱۱ نه تر ۲۰۱۶ کال پورې په بحرین کې د ایران سفیر وو او یوه موده عربي او افریقایي هېوادونو چارو لپاره د ایران د بهرنیو چارو وزارت مرستیال وو.
عبداللهیان له ۱۹۹۷ نه تر ۲۰۰۱ کال پورې په عراق کې د ایران د سفارت مرستیال وو.
له ایرانه داسې رپوټونه هم شته، چې د ملي امنیت عالي شورا به په ویانا کې له لوېديځ سره مذاکرات مخې ته وړي، هغه چاره چې د روحاني د ولسمشرۍ په وخت کې د بهرنیو چارو وزارت سرته رسوله.
د ایران ملي امنیت عالي شورا نېغ په نېغه د ایران مذهبي مشر ایتالله علي خامنهيي ته د خپلو فعالیتونو رپوټ ورکوي.