Skip to main content
وروستي خبرونه
Thumbnail

په ترکیه کې ځواکمنې زلزلې ۱۰۱۴ تنه مړه کړي

د ترکیې په سوېل ختیځ کې د زلزلې له امله تر اوسه یو زرو ۱۴ کسان مړه شوي او پنځه زره او ۳۸۵ تنه نور ټپیان دي.

د جرمني د ځمکې علومو څیړنیز مرکز اعلان کړی چې دغه زلزله د رېکټر په کچه د ۷،۸ درجې له ځواک سره د ترکیې په سوېل ختیځ کې قهرمان مرعش ښار ته نږدې د ځمکې په ۱۰ کیلو مترۍ په ژوروالي کې رامنځته شوې ده.

د ترکیې د دیاربکر ښار اوسېدونکی احسان سیتینتاس وايي:«ډېره سخته او وېرونکې زلزله وه، له هر ځایه مو غږونه اورېدل، نږدې دوه دقیقې یې ټکانونو دوام درلود.»

د ترکیې ولسمشر دغه زلزله وحشتناکه بللې او ویلي یې دي، چې د دې زلزلې د قربانیانو د شمېر د زیاتېدو احتمال شته.

د ترکیې ولسمشر طیب اردوغان څرګنده کړه:«د وروستیو شمېرو له مخې زموږ ۹۱۲ هېوادوال مړه شوي او ۵ زرو ۳۸۵ تنه نور ټپيان شوي دي. د هغو کسانو شمېر چې د کنډوالو له لاندې ژغورل شوي، ۲۴۷۰ تنو ته رسېدلی او تر اوسه دوه زره او ۸۱۸ ودانۍ ړنګې شوې دي. موږ نه پوهېږو چې د مړو شویو او ټپي شویو شمېر به څومره زیات شي.»

د ترکیې د ولسمشر مرستیال فواد اوکتای هم وویل:«د لټون او ژغورنې لپاره ټولټال ۲۷۸۶ ځواکونه د دندې د ترسره کولو په حال کې دي او دا شمېر هره ثانیه زیاتېږي.» 

د ترکیې د کورنیو چارو وزیر سلیمان سویلو هم وايي:«د نن سهار په څلورو بجو او اولس دقیقو د رېکټر په کچه د ۷،۴ درجې په ځواک سره یوه زلزله وشوه چې مرکز یې د قهرمان مرعش او پازارجیک سیمې وې او د قهرمان مرعش، هاتای، غازیانتب، عثمانیه، آدمیان، مالاتیا، سانلیورقا، آدانا، دیاربکر او کیلیس سیمې دي.»

اخوا د فنلنډ، فرانسې، اسپانیا او د اروپايي ټولنې څو غړو هېوادونو د دې زلزلې له قربانیانو سره د خواخوږۍ په څرګندولو سره د ترکیې له خلکو خپل ملاتړ اعلان کړ.

په اروپایي ټولنه کې د اسپانیا استازی پاسکوال ایګناسیو ناوارو ریوس وايي:«په دې تړاو ډېر خواشیني یوو او خپله خواخوږي څرګندوو، البته د مرګ ژوبلې په تړاو د معلوماتو د ترلاسه کولو په حال کې یوو. وضعیت ډېر وېرونکی دی.»

د اسلامي امارت د بهرنیو چارو وزارت د یوې خبرپاڼې په خپرولو سره د ترکیې له خلکو سره خواخوږي څرګنده کړې او له اسلامي هېوادونو او نړۍ له مرستندیو هېوادونو یې غوښتې دي، څو له انقرې سره د مرستې په برخه کې جدي اقدام وکړي.

د بهرنیو چارو وزارت د ویاند مرستیال احمد ضیاء تکل وايي:«د افغانستان اسلامي امارت د بهرنیو چارو وزارت په ترکیه او سوریه کې د وروستۍ زلزلې له امله چې په کې سلګونو کسانو ته مرګ ژوبله اوښتې او همدا راز ډېر مالي زیان یې هم اړولی خپلو مسلمانو وروڼو هېوادونو او ولسونو سره د افغان ولس او د حکومت په استازیتوب ژوره غم شریکي ښيي.»

د ترکیې د ولسمشر مرستیال دغه زلزله وحشتناکه بللې او زیاته کړې یې ده، چې د دې پېښې د زیانمن شویو د ژغورنې عملیات په چټکۍ سره روان دي.

د سوریې رسنیو اعلان کړی، چې دغې زلزلې د دغه هېواد په شمال او لوېديځ کې هم زیان اړولی او له امله یې ۲۰۰ تنه مړه شوي او تر ۶۰۰ زیات نور ټپیان شوي دي.

په ترکیه کې ځواکمنې زلزلې ۱۰۱۴ تنه مړه کړي

د ترکیې ولسمشر دغه زلزله وحشتناکه بللې او ویلي یې دي، چې د دې زلزلې د قربانیانو د شمېر د زیاتېدو احتمال شته.

Thumbnail

د ترکیې په سوېل ختیځ کې د زلزلې له امله تر اوسه یو زرو ۱۴ کسان مړه شوي او پنځه زره او ۳۸۵ تنه نور ټپیان دي.

د جرمني د ځمکې علومو څیړنیز مرکز اعلان کړی چې دغه زلزله د رېکټر په کچه د ۷،۸ درجې له ځواک سره د ترکیې په سوېل ختیځ کې قهرمان مرعش ښار ته نږدې د ځمکې په ۱۰ کیلو مترۍ په ژوروالي کې رامنځته شوې ده.

د ترکیې د دیاربکر ښار اوسېدونکی احسان سیتینتاس وايي:«ډېره سخته او وېرونکې زلزله وه، له هر ځایه مو غږونه اورېدل، نږدې دوه دقیقې یې ټکانونو دوام درلود.»

د ترکیې ولسمشر دغه زلزله وحشتناکه بللې او ویلي یې دي، چې د دې زلزلې د قربانیانو د شمېر د زیاتېدو احتمال شته.

د ترکیې ولسمشر طیب اردوغان څرګنده کړه:«د وروستیو شمېرو له مخې زموږ ۹۱۲ هېوادوال مړه شوي او ۵ زرو ۳۸۵ تنه نور ټپيان شوي دي. د هغو کسانو شمېر چې د کنډوالو له لاندې ژغورل شوي، ۲۴۷۰ تنو ته رسېدلی او تر اوسه دوه زره او ۸۱۸ ودانۍ ړنګې شوې دي. موږ نه پوهېږو چې د مړو شویو او ټپي شویو شمېر به څومره زیات شي.»

د ترکیې د ولسمشر مرستیال فواد اوکتای هم وویل:«د لټون او ژغورنې لپاره ټولټال ۲۷۸۶ ځواکونه د دندې د ترسره کولو په حال کې دي او دا شمېر هره ثانیه زیاتېږي.» 

د ترکیې د کورنیو چارو وزیر سلیمان سویلو هم وايي:«د نن سهار په څلورو بجو او اولس دقیقو د رېکټر په کچه د ۷،۴ درجې په ځواک سره یوه زلزله وشوه چې مرکز یې د قهرمان مرعش او پازارجیک سیمې وې او د قهرمان مرعش، هاتای، غازیانتب، عثمانیه، آدمیان، مالاتیا، سانلیورقا، آدانا، دیاربکر او کیلیس سیمې دي.»

اخوا د فنلنډ، فرانسې، اسپانیا او د اروپايي ټولنې څو غړو هېوادونو د دې زلزلې له قربانیانو سره د خواخوږۍ په څرګندولو سره د ترکیې له خلکو خپل ملاتړ اعلان کړ.

په اروپایي ټولنه کې د اسپانیا استازی پاسکوال ایګناسیو ناوارو ریوس وايي:«په دې تړاو ډېر خواشیني یوو او خپله خواخوږي څرګندوو، البته د مرګ ژوبلې په تړاو د معلوماتو د ترلاسه کولو په حال کې یوو. وضعیت ډېر وېرونکی دی.»

د اسلامي امارت د بهرنیو چارو وزارت د یوې خبرپاڼې په خپرولو سره د ترکیې له خلکو سره خواخوږي څرګنده کړې او له اسلامي هېوادونو او نړۍ له مرستندیو هېوادونو یې غوښتې دي، څو له انقرې سره د مرستې په برخه کې جدي اقدام وکړي.

د بهرنیو چارو وزارت د ویاند مرستیال احمد ضیاء تکل وايي:«د افغانستان اسلامي امارت د بهرنیو چارو وزارت په ترکیه او سوریه کې د وروستۍ زلزلې له امله چې په کې سلګونو کسانو ته مرګ ژوبله اوښتې او همدا راز ډېر مالي زیان یې هم اړولی خپلو مسلمانو وروڼو هېوادونو او ولسونو سره د افغان ولس او د حکومت په استازیتوب ژوره غم شریکي ښيي.»

د ترکیې د ولسمشر مرستیال دغه زلزله وحشتناکه بللې او زیاته کړې یې ده، چې د دې پېښې د زیانمن شویو د ژغورنې عملیات په چټکۍ سره روان دي.

د سوریې رسنیو اعلان کړی، چې دغې زلزلې د دغه هېواد په شمال او لوېديځ کې هم زیان اړولی او له امله یې ۲۰۰ تنه مړه شوي او تر ۶۰۰ زیات نور ټپیان شوي دي.

شریک یي کړئ

په دې اړه مو اندونه