د ملګرو ملتونو د همغږۍ دفتر (اوچا) وایي، ۲۰۲۴ کال کې د نړۍ په ګوټ ګوټ کې ۲۸۱ مرستندویه کارکونکي وژل شوي دي.
اوچا په یوه ویلي، سږ کال د مرستندویه کارکونکو لپاره د مرګونی کال په توګه ثبت شوی دی.
دغه بنسټ د مرستندویه کارکونکو پر خوندیتوب ټینګار کړی او زیاته کړې یې ده چې، افغانستان، غزه، یمن، سویلي سوډان او اوکراین کې د مرستندویه کارکونکو پر وړاندې له ګواښونو خبر ورکړل شوی دی.
بشري برخه کې د ملګرو ملتونو د سرمنشي نوی مرستیال ټام فلیچر تېره ورځ (جمعه) و ویل:« مرستندویه کارکونکي په بې سارې کچه وژل شوي دي. د دوی مېړانه او بشردوستي د بم او مرمۍ په وسیله په نښه شوي دي.»
هغه زیاته کړه: « که څه هم تر اوسه د ۲۰۲۴ کال پایته رسېدو ته یوه میاشت پاتې، خو د وژل شویو مرستندویه کارکونکو شمېر اوس هم نوی ریکارډ جوړ کړی دی.»
د مرستندویه کارکونکو پر وړاندې تاوتریخوالی په جګړه ییزو سیمو کې ملکي وګړو ته د زیان پراخه کچه ښیي.
اوچا دغه راپور کې ویلي، ډېر دغه مرستندویه کارکونکي د غزې په روانه جګړه کې وژل شوي دي.
اوچا ویلي، د ۲۰۲۳ کال له اکټوبر راهیسې غزه کې ۳۳۳ مرستندویه کارکونکي وژل شوي چې ډېری یې، د فلسطیني بې ځایه شویو لپاره د ملګرو ملتونو مرستندویه بنسټ (انروا) کارکونکي دي.
د مالوماتو لمخې، غزه کې یوازې په روانه زېږیزه میاشت کې لس مرستندویه کارکونکي وژل شوي دي.