رویټرز راپور ورکړی چې، روسي ځواکونه ورو ورو د اوکراین لویدیځ پوکروسک ښار محاصره کوي.
پوکروسک د اوکراین یوه له مهم اکمالاتي ښارونو دی او اوکرایني ځواکونو د روسیې له لوري د دغه ښار د نیولو مخنيوي لپاره جګړې ته دوام ورکوي.
رویټرز لیکلي چې، که روسیه دغه ښار ونیسي نو د اوکراین پر بېلابېلو سیمو به بریدونو وړتیا ومومي او پر کییف فشار هم زیاتولی شي.
د پوکروسک له ۶۰ زره اوسېدونکو دا مهال یوازې ۷ زره یې دغه ښار کې ژوند کوي او د دغه ښار د پوست اداره هم تړل شوې او لیکونه په پوځي موټرو کې استول کیږي.
د اوکرایني سرتېرو په خبره، د روسې ځواکونو شمېر زیات دی او پرله پسې ځمکني بریدونه کوي.
یوه اوکرایني سرتېري ویلي: « روسي ځواکونو په پرله پسې توګه شپه او روځ بریدونه کوي.»
د روسیې ولسمشر ولادیمیر پوتین د تېرې سې شنبې پر ورځ ویلي و چې، اوکراین کولای شي روسیې سره له قانوني لارې د جګړې پایته رسولو خبرې پیل کړي خو په خبره یې، کییف خبرو ته لېوالتیا نه لري.
د اوکراین ولسمشر ولادیمیر زیلنسکي بیا د پوتین دغه خبرې رد کړي او روسیه یې جګړې ته پر لمن وهلو تورنه کړې ده.
په دې اړه مو اندونه