د سویلي کوریا دفاع وزارت د چهارشنبې پر ورځ(نن د وري۲مه) ویلي دی چې د شمالي کوریا د وروستي توغندي آزمویل بریالي نه وو.
سویلي کوریا وايي، داسې ښکاري چې د پیانګیانګ وروستی ازمویل شوی توغندی په هوا کې چوولی دی.
روسنیو دې هېواد ملي دفاع وزارت د یوه چارواکي له قوله ویلی دی چې شمالي کوریا یو توغندی د وونسان ډګر ختیځ ساحل څخه توغندی توغولی، او داسې ښکاري چې دا توغندی ناکامه شوی.
د سویلي کوریا رسنیو ویلي دي چې د شمالي کوریا د توغندیو ازمویل د امریکا او سویلي کوریا ګډو تمریناتو پر وړاندې روښانه د ځواک ښکاره کول دي.
د سویلي کوریا دفاع وزارت یوه چارواکي ویلي دي:«امریکا او سویلي کوریا د شمالي کوریا د توغندیو له آزمویلو خبر دي او داسې ښکاري چې دا توغندی بریالی نه وه.»
دا هېواد د ازمویل شوي توغندي څرنګوالي په اړه مالوت نلري.
شمالي کوریا روانې میاشتې کې څلور توغندي ازمویلي دي چې درې یې جاپان ته نېږدې لګېدلي دي.