د هند لوموړي وزیر، نرندرا مودي په سیمې او نړۍ کې له ترهګرۍ سره د مبارزې په موخه د یوه نړیوال کنفرانس د جوړیدو غوښتونکی شو.
د رویټرز خبري اژانس د راپور له مخې ښاغلي مودي هند کې تر ټاکنو د بیا بریالي کېدو وروسته مالدیف ته د خپل لومړي سفر په ترڅ کې څرګنده کړې ده چې ترهګري نه یوازې یوه بلکې د نړۍ ټولو هېوادونو ته ګواښ دی.
ده وړاندې ویلي دي:«نړیوالې ټولنې د یوه کنوانسیون لپاره فعالانه هڅه کړې ده او د اقلیم د بدلون لپاره یې ډېر کنفرانسونه جوړ کړي دي. ولې داسې یو ګام د ترهګرۍ پرضد نه دی پورته شوی.»
د هند لومړي وزیر همداراز څرګنده کړې ده:«نو ویلی شو چې پایله پخښونکې خبرې اترې د ترهګرۍ د سمڅو چې د دوی ملاتړي هم ترې استفاده کوي، خبرې وکړو او له منځه یې لیري کړ و.»
مالدیف ته د نرندرا مودي سفر تر ډېره د هند په اقیانوس کې د چین د شتون پراختیا په تړاو د نظر اظهار په موخه دی.
مودي یاد هېواد کې د خپلې وینا پرمهال همداراز څرګنده کړې ده:«زموږ په ګاونډیو کې مالدیف لومړیتوب لري.»
د هند لومړي وزیر مالدیف ته د خپل سفر په ترڅ کې له یاد هېواد سره د کښتیو خدمتونو، پورت تمځای او همداراز د کریکټ یوه لوبغالي د جوړېدو هوکړې لاسلیک کړې.