پاکستاني چارواکي وايي، د دغه هېواد په ختیځ کې د اورګاډي پټلي د اورلګېدنې پېښې د وژل شویو شمېر ۶۵ تنو ته رسېدلی دی.
په دې پېښه کې لسګونه نور کسان ټپيان شوي دي.
پېښه له کراچۍ نه راولپنډۍ ښار ته یوه تلونکي اورګاډي کې شوې ده.
د سیمه ییزو رسنیو د راپور له مخې پېښه هغه مهال شوې چې په اورګاډي کې د ننه د ګازو یوه ډبه چاودلې او اورلګېدنه پیل شوې ده.
د راپورونو له مخې اور د اورګاډي څو کابینونو ته رسېدلی.