چین کې د کرونا ویروس له کبله د قربانیانو شمېر له نهو سوو کسانو واوښت.
یوازې تېره ورځ(یکشنبه د سلواغې په ۲۰ مه نېټه) په هوبي ولایت کې ۹۷ تنه مړه شوي چې دا په یوه ورځ کې تر ټولو ډېر تلفات ګڼل کېږي.
د کرونا ویروس له هوبي ولایت نه خپور شوی دی.
دا په داسې حال کې ده چې اوس مهال چې کې له ۴۰زرو ډېر کسان د کرونا پر ویروس اخته دي.
چین کې لا هم ځیني ښارونه د قرنطین په حال کې دي.
په همدې حال کې روسیې او د نړۍ ځينو نورو هېوادونو د کرونا ویروس له مبارزې سره تابیاوې نیولي دي.
نړۍ کې پوهان د کرونا ویروس ضد واکسین جوړولو په هڅه کې دي.