د چین د روغتیا کمېسیون سې شنبې(د سلواغې په ۲۹مه نېټه) وايي چې تېره ورځ د کرونا ویروس ککړ ۹۸ تنه په هوبي کې مړه شوي دي او له دې سره په چین کې د قربانیانو شمېر ۱۸۰۷ تنه رسېدلی دی.
چارواکي زیاتوي چې تر اوسه په چین کې د کرونا ویروس د ککړو کسانو شمېر ۵۹۹۸۹ ته رسیدلي دي.
د مسوولانو په خبره تر اوسه ډېرې پېښې په هوبي ولایت کې شوې دي، چېرې چې په لومړي ځل دغه ویروس د ۲۰۱۹ زیږدیز کال په سپټمبر کې خپور شو.
تر اوسه په دې ولایت کې ۱۳۸۱ تنه مړه شوي دي.