د هېواد د بهرنیو چارو د وزیر، حنیف اتمر د جنیوا ناستې په تړاو ولسي جرګې ته مالومات ورکړ.
نوموړي د یادې جرګې د نن ورځې(دوشنبې د لیندۍ په ۲۴مه نېټه) ناسته کې وویل جنیوا کنفرانس کې ټولو ګډون کوونکو د افغان سولې بهیر په تړاو اجماع درلوده او ترې یې ملاتړ وکړ.
ښاغلي اتمر زیاته کړه نړۍ هرې سولې ته رایه نه ده ورکړې، دوی داسې سولې ته رایه ورکړه چې په کې جمهوریت، اساسي قانون او تېرو کالو لاسته راوړنې وساتل شي.
د هغه په وینا نړۍ افغانستان د داسې نظام پلوي ده چې په کې ولسواکۍ ته درناوی وي.