د اطلاعاتو او کلتور وزارت مرستیال ذبیح‌الله مجاهد نن په یوه خپره کړې اعلامیه کې ویلي، چې امریکا د نړۍوالو قوانینو او د دوحې د سند خلاف، د افغانستان پر فضا بې‌پیلوټه الوتکې ګرځولې دي.

مجاهد خبرداری ورکړی، چې امریکا دې د افغانستان د فضایي حریم نقض پرېږدي، چې د ناوړه نتایجو مخنیوی یې وشي.

دا په داسې حال کې ده، چې د تېرې شنبې پر ورځ یوه امریکایي چارواکي وویل، چې افغانستان کې د ترهګرۍ ضد عملیاتو ترسره کولو لپاره اسلامي امارت سره همغږۍ ته اړتیا نه‌لري.