یوه امریکایي چارواکي د رویټرز خبري اژانس ته ویلي، چې امریکا تمه لري هغه شاوخوا ۱۵۰ تنه افغان پیلوټان او د افغان هوایي ځواک ځینې نور کارکوونکي چې، دوه میاشتې وړاندې افغانستان کې تر لوی تحول وروسته تاجکستان ته اوښتي، امریکا ته بوځي.
امریکایي چارواکي وایي، دغه افغان پيلوټان د امریکا پوځ روزلي دي.
د امریکا د بهرنیو چارو وزارت یوه چارواکي د نوم نه ښودلو په شرط رویټرز ته ویلي، چې دغه افغان پیلوټان به لومړی یوه درېیم هېواد او بیا امریکا ته ورسول شي.
دغه امریکایي چارواکي د دغو افغان پیلوټانو د لېږد د کره نېټې په هکله څه نه دي ویلي.
رویټرز وایي، یوه ځانګړي رپوټ کې یې موندلي چې امریکا روزلي ۱۴۳ تنه افغان پیلوټان د تاجکستان یوه غرنۍ سیمه کې د امریکا الوتنې ته په تمه دي.
افغانستان کې د تېر اګېسټ پر ۱۵ مه نېټه تر لوی تحول وروسته چې مخکینی حکومت وپرځېد او اسلامي امارت بیاځلې واک ته ورسېد، دغه افغان پیلوټان له کابل نه تاجکستان ته واوښتل.
په دې اړه مو اندونه