د پلټنې عالي ادارې د ۵۹ دولتي بنسټونو د فعالیتونو څېړنې پیل کړې دي. د دغو ادارو چارواکي وايي چې خپلې څېړنې یې د قوانینو، مقراراتو او د مالي او اداري فعالیتونو په هکله خپلې څېړنې پیل کړې دي او لاسته راوړنې هم لري.
د پلټني عالي اداري سرپرست وايي، دمګړی يي پلټني دمګړی یوازې تر پلازميني محدودي دي،او تردي مهاله يي ښي لاسته راوړني هم درلودلي دي.
د پلټني د عالي اداري سرپرست رییس قدرت الله جمال وايي:«په زونونو او ولایتونو کې دفترونه شتون نه لري. په تېر کې ځينې دفترونه جوړ شوي دي دا چې لاسته راوړنه یې نه لرله بېرته وتړل شوې. موږ اوس یوازې په مرکز کې دفتر لرو.»
د پلټني عالي اداري مسولین وایي، د دوی د پلټنو په نتیجه کي تردي مهاله په مېلیونونو افغانی تصفیه شوي او د حکومت خزانه ته په واک کي ورکول شوي دي.
دمګړی په کابل کې ٥٩ دولتي ادارو کي پلټني دوام لري،خو ټاکل شوې چې نورو ولايتونو ته هم وغځول شي.
افغانستان له څو کلونو راهیسې د نړۍ یو له فاسدو هیوادونو څخه شمیرل کېږي. خو د رییس الوزرا دويم مرستيال د يکشنبې په ورځ اعلان وکړ، چې د هېواد په دولتي ادارو کې د فساد کچه اوس صفر ته رسېدلې.
په دې اړه مو اندونه