ولسي جرګه کې د بادغیس استازی، ضیاءالدین اکازی د یاد ولایت بالامرغاب ولسوالۍ کېد طالبانو برید پایله کې لسو امنیتي سرتېرو ژوند له لاسه ورکړی.
هغه زیاتوي چې پېښه تېره شپه(سې شنبې د چنګاښ په ۳مه نېټه) شوې او په ترڅ کې یې ۵ سرتېري ټپیان هم دي.
ښاغلی اکازی وړاندې وايي:«قربانیانو کې اووه د کمانډو او درې د ځانګړو ځواکونو سرتېري شامل دي او پنځه تنه هم ټپیان دي.»
د بادغیس ولایت استازي په خبره پېښه په داسې حال کې شوې ده چې افغان سرتېري د څېړنې په موخه له خپلې اډې بهیر وتلي وو او طالبانو پرې برید کړی دی. دغه برید دوه ساعته دوام کړی.
امنیتي او سیمه ییزو چارواکو تر اوسه په دې اړه څه نه دي ویلي.
طالبانو هم خپل نظر نه دی څرګند کړی.