هلمند کې سیمه ییز چارواکي وايي د وروستیو څو ورځو جګړو له کبله په دغه ولایت کې ۴ زره کورنۍ بې ځایه شوې دي.

هلمند کې بې ځایه شوي کسان د جګړې له ښکېلو لوریو غواړې چې د خلکو ژوند ته پاملرنه وکړي او جګړه بس وکړي.

له دې سره پر یو وخت د هلمند سېمه ییز چارواکي وایي د لښکرګاه شاوخوا سیمو کې یې عملیات پیل کړي او په‌کې ۲۶ تنه طالبان وژل شوي.

بل خوا کابل کې د امریکا د سفارت سرپرست وایي طالبان باید بریدونه بند کړي.

په دې خپرونه کې پر همدې موضوع له مېلمنو سره خبرې شوې دي.

د خپرونې مېلمانه :

د ولسمشر د ویاند مرستیال، دواخان مینه پال

د ولسي جرګې پخوانی غړی، عبدالرحیم ایوبي