د هېواد د لوېدیځې حوزې د علماوو او روحانیونو شورا وايي چې د طالبانو له لوري د اسلامي نظام پلمه باید د سولې د مذاکراتو مانع نه شي.

د دغې شورا رییس وايي چې د طالبانو له لوري د فرمایشي اسلام مطرح کول د منلو وړ نه دي او د اسلامي نظام په هکله یوازې د هېواد دیني علما پرېکړه کولای شي.

دغه دیني عالمان د هرات په لوی جامع جومات کې د یوې غونډې پر مهال په هېواد کې روانه جګړه له پوښتنې سره مخ کوي او هغه مسلمان وژنه ګڼي.