د خصوصي سکټور او ولسي جرګې یو پلاوی اسلام کلا ګمرک ته تللی چې د اور لګېدنې د پېښې لاملونه معلوم کړی. پلاوی وایي چې د اورلګېدنې علت د نورم او سټنډرډ ادارې او قراردادي شرکت په نامعیاري توګه د غازو د بېلګې اخیستل و.

پلاوي موندلي، چې اداري فساد او د اسلام کلا ګمرک د مسوولانو بې غوري د اور د پراخېدو لامل شوی. په همدې حال کې د افغانستان د سوداګرۍ او پانګونې خونه وایي، اسلام کلا ګمرک کې د اسانتیاوو او ظرفیتونو نه موجودیت له کبله تر دې وروسته پر دغه ګمرک خپل توکي نه واردوي.