افغان حکومت د هېواد پر ختیځو برخو د پاکستان له خاورې د توغندويي بریدونو بیا پیل غندي.
د ولسمشرۍ ویاند صدیق صدیقي په خپل ټوېټرپاڼه کې د پاکستان دغه توغندويي بریدونه د نړیوالو اصولو پر خلاف او په افغانستان او سیمه کې د امنیت او ټیګاو د ټینګښت په برخه کې د دغه هېواد بې ژمني ښيي.
دا په داسې حال کې ده چې د هېواد په ختیځ کې حکومتي چارواکي په ځانګړې توګه په کونړ کې وايي چې دغه ولایت په دې وروستیو ورځو کې د ډیورنډ کرښې له هغې غاړې پر ځینو سرحدي ولسوالیو څه باندې ۲۰۰ توغندي توغول شوي دي.