تېره ورځ په کابل کې ناپېژانده وسلهوالو د کابل ښار په دولسمې حوزې کې د نجونو یوه ښوونځي ته اور ورته کړ او ساتونکي یې هم وژلی دی.
د سیمې اوسېدونکي وايي چې دغو وسلهوالو د یکشنبې پر سهار د کابل په ارزان قیمت سیمه کې د احمد شاه بابا د ښوونځي د ساتونکي له ژولو څخه وروسته د دغه ښوونځي کتاب تون یې هم سوځولی دی.دا لومړی ځل دی چې په کابل کې یوه ښوونځي او ساتونکي ته یې اور ورته کېږي.
د احمد شاه بابا پاک کوونکې عقیله وايي: "کله چې موږ سهار ښوونځي ته راغلو،امنیتي ځواکونه راغلي وو او د ساتونکي مړی سوځېدلی وه او(د هغه مړی)څو ساعته په ښوونځي کې پروت وه".
دغې پېښې د سیمې اوسېدونکي او د دغه ښوونځي زدهکوونکي وېرولي دي.
د سیمې اوسېدونکي امرالله په دې اړه وویل: "کله چې سهار لمانځه ته پاڅېدم، د پولیسو او د اور وژونکي ځواکونو د وسایطو غږ وه،کله چې موې پوښتنه وکړه (وامې ورېد) چې ښوونځي ته اور ورته کړل شوی دی او د هغه ساتونکی هم وژل شوی دی".
د احمد شاه بابا د ښوونځي زدهکوونکي زید زیاته کړه:"زه د دغه ښوونځي د دویم ټولګي زدهکوونکی یم،زه غواړم چې ښوونځي ته اور ورته نه کړي او پرېږدي چې موږ خپله زده کړه وکړو".
د پوهنې وزارت ویاند مجیب مهرداد په دې اړه څرګنده کړه: دغې پېښې موږ اندېښمن کړي یوو،او موږ غواړو چې د داشان پېښو مخه ونیول شي".
د کورنیو چارو وزارت ویاند صدیق صدیقي په دې اړه وویل:"داسې کسان شته چې د ماشومانو د زدهکړې مخالف دي،پولیسو د دغې پېښې څېړلو ته دوام ورکوي او هیله لرو وکړای شو د دغه ښوونځي د اور ورته کولو عاملین وپېژنو او ونیسو".
له دې وړاندې په ځلونو د هېواد په څو ولایتونو کې ښوونځیو ته اور ورته کړل شوی دی،خو دا لومړی ځل دی چې په کابل ښار کې یو ښوونځی له ساتونکي سره یې سوځول کېږي.
په دې اړه مو اندونه