د امریکا متحده ایالاتو ولسمشر، ډونالډ ټرمپ د دغه هېواد ټاکنو لپاره په رسمې توګه د جمهوريپاله ګوند نوماندې ومنله.
هغه د نوماندی منلو مراسمو په ترڅ کې خپل سیال نوماند، جوبایډن د چین پلوی او د امریکا په زیان وباله.
ټرمپ وویل:«هېڅکله هم رایې ورکوونکي د دوو ګوندونو ترمنځ د دغسې ښکارهو دوه لیده، دوې فلسفې او دو اجنډا سره مخامخ نه وو. دغو ټاکنو کې به پرېکړه وشي چې د امریکا خوب په وساتل شي او که د سوسیالسیت اجازه ورکړو چې زموږ برخلیک له منځه یوسي.»
د امریکا ولسمشر وايي چې چین د جوبایډن بریالي کېدل غواړي، خو دی به د یاد هېواد پر وړاندې خپل سخت سیاست وساتي.
ډونالډ ټرمپ د داعش ډلې د مشر، ابوبکر الغدادي، د ایران د سپاه پاسدارانو د قدس مشر، قاسم سلیماني وژل لاسته راوړنې بولي، خو په وار وار یې ویلي دي چې امریکا به له اوږدو جګړو وباسي.