ملي دفاع وزارت وايي هغه سرتېري چې د میدان وردګو ولایت مرکز ته نږدې د ملي پوځ په یوې اډه کې د طالبانو له خوا کلابند وو ژغول شوي او ټپيان هم کابل ته لېږدول شوي دي.

د تېرې اوونۍ د چهارشبنې پرشپه ناوخته په میدان وردګو کې د اشرو پر اډې له موټر بم سره برید وشو، چې د هغه په پایله کې په دغې اډه کې څلور تنه پوځیان ټپيان شول.

خو د دغو ځواکونو قومندان له څلورو ورځو وروسته په خواله رسنیو کې په یوې ویډیو کې د ټپيانو د لېږد او ځواکونو ته د مرستو د رسېدو په برخه کې د امنیتي چارواکو پر بې پروایۍ نیوکه کوي. 

دوی وايي تر هغې چې د مرکز ملاتړ ورسره وي له خپلې پوستې به ساتنه وکړي.