له نشه‌يي توکو او جرمونو سره د ملګرو ملتونو سازمان د مبارزې دفتر په غونډه کې، د ایران او تاجیکستان له نشه‌يي توکو سره د مبارزې ادارې مسوولان، پر هغه څه چې په افغانستان کې د نشه‌يي توکو کښت او قاچاق بولي، اندېښنه څرګنده کړې ده. 

په دې غونډه کې د تاجیکستان له نشه‌يي توکو سره د مبارزې د ادارې مسوول ظفر صمد وايي چې نشه‌يي توکي د افغانستان د شمال له لویو زیرمو د منځنۍ اسيا هېوادونو او اروپايي ټولنې ته قاچاق کېږي.