ایران مني هغه اوکرایني الوتکه چې تېره اوونۍ په دغه هېواد کې نسکوره شوې وه په تېروتنې سره د ایران پوځ په توغندي لګېدلې ده.
د ایران د امنیتي بنسټونو بیانیه کې راغلي چې انساني تېروتنه د دغې الوتکې د نسکورېدو عامل دی.
په دغې پېښه کې د افغان، ایران، اوکراین، کاناډا او څو نورو هېوادونو وګړو په ګډون ټول ۱۷۶تنه سپرلۍ وژل شوې ده.
د ایران ولسمشر حسن روحاني د دغې الوتکې په نښه کول یوه نه بښوونکې تېروتنه ګڼي او وايي چې د دغه پېښې له عاملانو سره به قانوني چلند وشي.
له دې مخکې د امریکا متحده ایالاتو، کاناډا او ځينو نورو هېوادونو ویلي وو چې دغه الوتکه د توغندي په واسطه په نښه شوې ده؛ خو ایران دا ادعا ردوله.