تېره شپه ورځ کې د هېواد په کچه د کرونا ویروس ۷۶ مثبتې پېښې ثبت شوې دي.
د عامې روغتیا وزارت نن(چهارشنبې د زمري په ۲۲مه نېته) وايي چې یاده موده کې د کوویډ۱۹ ناروغۍ له کبله ۱۰ تنه مړه شوي هم دي.
تازه پېښې د ۴۱۸ مشکوکو کتل شویو نښو پایله ده او له دې سره هېواد کې د ټولو مثبتو پېښو شمېر ۳۷ زره او ۳۴۵ ته ورسید چې له ډلې یې ۹۲۹۷ یې فعالې دي.
د روغتیا وزارت د شمېرو له مخې تر اوسه هېواد کې ۲۶ زره او ۶۹۴ د کوویډ نولس ناروغان روغ شوي هم دي.
تازه پېښې ۳ کابل، ۲۶ هرات، ۱۵ کندهار، ۱۵ بلخ، ۴ تخار، ۲ ننګرهار، ۲ بدخشان، ۳ نیمروز، ۳ دایکندي، او ۳ هم لغمان کې ثبت شوې دي.