د افغانستان د فوټسال ملي لوبډلې د تاجېکستان پر وړاندې ماتې وخوړه او د اسیا د جام او د ازبېکستان د فوټبال نړۍوال جام نیمه پایلوبې ته یې لار ونه موندله.

د افغانستان د فوټسال ملي لوبغاړو نن (چهارشنبه) د اسیا فوټسال جام تر نیمه پایلوبې مخکې لوبه کې د تاجېکستان پر وړاندې لوبه وکړه او په پای کې یې له خپلې سیالې لوبډلې  یو پر دوه، توپیر ماتې ومنله او له سیالیو ووتل.
د افغانستان او تاجېکستان د فوټسال د ملي لوبډلو دغه لوبه د تایلنډ په کوربتوب په بنکاک کې وشوه.

په پای کې د افغان لوبغاړو هڅې او فشارونه د ماتې د جبرانولو لپاره ناکامې شوې او دغه لوبه د ۲-۱ په توپیر د تاجېکستان په ګټه پای ته ورسېده

د اسیا فوټسال جام سږ کال د تایلنډ په کوربتوب د ۱۶ لوبډلو په ګډون ترسره شو او افغانستان په دغو سیالیو کې د لومړي ځل لپاره پرمختګ وکړ او د نیمه پای لوبې تر درشل ورسېدل خو نیمه پای لوبې ته یې لار و نه مونده.