د روسیې نړیوال ۲۰۱۸ کال فټبال سیالیو نیمه پای لوبو ته سویډن، فرانسې، انګلستان، برازیل، یورګوای، روسیې، بلجیم او کرواسیا یو پر څلورو نیمه پای لوبو ته لار پیدا کړه.
تېره شپه سېښنبې( د چنګاښ۱۲مه) سیالیو په لړ کې د اتو غوره لوبډلو لپاره دوې لوبې وشوې. په لومړۍ لوبه کې سویډن، سویس ته ۱-۰ ماتې ورکړه. په پایله کې سویډن نیمه پای لوبو ته لار پیدا کړه.
د سویډن لپاره مهم ګول په ۶۶ دقیقه کې ایمیل فوسبرګ وواهه.
په دویمه لوبه کې چې۱۰:۳۰ پیل شوه، بیا انګلستان له کولمبیا سره په نوي دقیقو کې ۱-۱ لوبه مساوي کړه او نیم ساعت نور وخت ورکړل شو، بیا هم خبره پینالټیو ته ووته او انګلستان په همدې حساسه مرحله کې کلمبیا ته ۵-۴ ماتې ورکړه او اتو غوره لوبډلو ته ووت.
د لوبو په لړۍ کې ټاکل شوې ده چې انګلستان له سویډن سره لوبه وکړي.
