امریکا د راروان ۲۰۲۱ کال تر پسرلي پورې خپل ټول ځواکونه له افغانستانه باسي.

د امریکا بهرنیو چارو وزیر مایک پومپیو ویلي، قطر کې د افغان سولې خبرې ښې روانې دي او واشنګټن به د ۲۰۲۱ کال پسرلي کې افغانستان خپل پوځي حضور ختم کړي.

نوموړي ویلي، له افغانستانه د امریکايي ځواکونو وتلو لپاره پر یو شمېر شرایطو تړلې دي، طالبان به له القاعدې او دې ته ورته نورو ترهګرو ډلو سره اړیکې پرې کوي، د طالبانو ډله به د سولې مذاکرتو کې وي او د سولې بهیر کې بادی د ورانکاریو او خنډونو مخنیوی وسي.

پومپیو په ښکاره ویلي، لا هم ځینې کړۍ نه غواړي امریکایي ځواکونه له افغانستانه ووځي ،د نوموړي په خبره دغه کړۍ غواړي چې امریکا ۲۰ کال نوره په افغانستان کې ښکېله وي. خو د امریکا بهرنیو چارو وزیر په وینا، افغان حکومت او طالبان دواړه سخت مسوولیت لري، چې د دغسې کار مخنیوی وکړي.

په دغې خپرونه کې کوربه نعمت روان په دې هکله خپلو مېلمنو سره بحث او خبرې کړې دي.

مېلمانه :

د مشرانو جرګې غړی، ډاکترزلمی زابلی

د سولي چارو شنونکی، عبدالولي شیرزاد

د غزني پخوانی والي، شیرخوستی