د امریکې ولسمشر جوبایډن، د اسراییلو او حماس تر منځ د جګړې پر زیاتوالي او د امریکایي چارواکو له ګواښونو وروسته ویلي چې حماس ډله باید له منځه لاړه شي خو د فلسطین د جوړولو لپاره باید یوه لار شتون ولري.
هغه له سي بي اس رسنۍ سره په خبرو کې له ایرانه غوښتي چې نښته دې نه زیاتوي.
رویټرز د فلسطیني چارواکو په خبرو راپور ورکړی چې تر دې مهاله ۲ زره او ۶۷۰ تنه وژل شوي چې د دغو شمېرو څلورمه برخه ماشومان دي.
په راپور کې راغلي چې ښایي د دغې مرګ ژوبلې شمېرې زیاتې شي.
دا په داسې حال کې ده چې اسراییلو د حماس ډلې د وروستیو اتو ورځو د سختو بریدونو په ځواب کې چې، د ۱۳۰۰ اسراییلي وګړو د وژنې لامل شوی، په غزې هوایي بریدونه پېل کړي دي.
په دې اړه مو اندونه