اطلاعاتی که از ارگ ریاست جمهوری پخش می‌شوند نشان می‌دهند که امرالله صالح، معاون نخست دسته انتخاباتی رییس جمهورغنی، به گونه اعلام ناشده کارهای حکومت را انجام می‌دهد.

امرالله صالح از چندی بدینسو در نشست‌های رسمی ارگ ریاست جمهوری نیز شرکت می‌کند و دراعلامیه‌ها و خبرنامه‌های ارگ ریاست جمهوری، از او که در این نشست‌ها حضور یافته است، همچون یک مقام بلند پایه ریاست جمهوری یاد می‌شود.

عبدالله عبدالله، رییس اجرائیه روز دوشنبه (۱۴ دلو) درنشست شورای وزیران گفته است که شرط گذاشتن برای آغاز گفتگوهای صلح، تعلل و عدم تعهد را در این روند نشان میدهد.

وی می‌گوید که برای آغاز این گفتگوها نباید پیش شرطی گذاشته شود.